ШҚО-да қар жауып, боран соғып тұр

Күн райы құбылып тұр. Шығыста таңертең жауған қар әлі тоқтаған жоқ. Ал, солтүстік өңірлерде қар аралас жаңбыр жауды. Өңірлердегі  жағдайды тілшілеріміз хабарлауға әзір тұр. Шығыста бұрқасын соғып,  автокөлік жолдарына шектеу енгізілгені белгілі.

Олжас Керейхан, тілші:

Иә кеше ғана шығыста қоңыр  күз болатын. Бүгін түстен бастап қапалақтаған қар әлі жауып тұр. Міне айналаның бәрі аппақ рең, Терек пен талға жаппқандай кілем. Шамамен бір күнде жарты айлық мөлшердегі қар жауып қалды. Қардың  ұшқыны түскен сәттен бастап коммуналдық мекеменің техникасы да қозғалған. Жолдарды тоқтаусыз тазалап жүр. Бүгін күндізгі сағат бірден бері  Алматы-Талдықорған-Өскемен-Шемонайха және Өскемен-Риддер  жолының  бірқатар бөлігі жабық тұр. Облыстық маңыздағы Глубоке-Шемонайха, Белоусовка кенті мен Риддердің арасындағы жолға да шектеу қойылды. Өйткені қарлы бораннан жол мүлде көрінбейді. Дегенмен «Қазгидромет» орталығы түңгі оннан кейін қар тоқтап, боран да басылатын хабарлады.