Еліміздің бірнеше аймағында көктайғақ болып, жол жабылуы мүмкін

Ақмола, Жетісу, Павлодар мен Қарағанды облыстарында қар аралас жаңбыр жаууына байланысты көлік жүргізушілеріне жылдамдықты асырмай, қауіпсіз арақашықтықты қатаң сақтау ескертілді.  Қарағанды облысындағы ахуалды әріптесім Жандос Бақытұлынан білейік.

Жандос Бақытұлы, тілші:

Қарағандыда таңнан бері жаңбыр себелеп тұр. Өткен апта қар жауып, күн суытып еді, енді барлығы қайта еріп, көлік қозғалысы да біршама қиындады. Алайда қыс қыр астында. Сондықтан мамандар, алдағы күндері күн күрт суытуы мүмкін дейді. Мәселен, ертең өңірдің шығысында көк тайғақ болып, жол бірнеше бағытта  жабылуы мүмкін. Ал оңтүстікте қалың тұман болады дегем болжам бар. Солтүстікте желдің екпіні секундына 15 метрге дейін күшейеді. Сондықтан, құтқарушылар көлік жүргізушілеріне барынша сақ болып, жол ережелерін қатаң сақтауға кеңес береді.