«Копенгаген»-«Қайрат» матчын Ұлттық арна тікелей эфирде көрсетеді

26-қарашада Дания астанасы Копенгагенде алматылық «Қайрат» футбол клубы жергілікті «Копенгаген» командасымен Чемпиондар лигасы аясында кездесу өткізеді. Сол матчқа отандық футболшылар ғана емес, алматылық полицейлер де аттанған. Алматының қалалық полиция департаменті екі қызметкерін арнайы жіберіпті.  Мақсат - халықаралық матчтар кезінде қоғамдық тәртіпті қамтамасыз ету жүйесін жан-жақты зерделеу екен. Айта кетейік, «Копенгаген» мен «Қайрат» матчын «Qazaqstan» телеарнасы тікелей эфирде көрсетеді.

Салтанат Әзірбек, қалалық Полиция департаментінің баспасөз хатшысы:

Үш күн сапар кезінде олар арнайы бейне күнделік әзірлеп, көріп жатқан, біліп жатқан нәрселерін түйіндеп, ортаға салатын болады. Бізге халықаралық тәжірибе артық етпейді.