Хоккейден Азия чемпиондары елге оралды

Хоккейден Азия чемпиондары елге оралды. Спортшыларды елорда әуежайынан жанкүйерлері мен жақындары ыстық ықыласпен қарсы алды.

Ұлттық құрама Бейжіңде өткен сары құрлық бәсекесінде қарсылас шақ келтірмеді. Мәселен,  Оңтүстік Кореяны 4:2 етіп жеңсе, жарыс қожайыны қытай хоккейшілеріннен 5:1 есебімен басым түсті. Ал, чемпиондық атақ сарапқа салынған шешуші сында жапондарды қапы қалдырды. Осылайша, Қазақстан екінші жыл қатарынан Азия біріншілігінде топ жарып отыр.

Талғат жайлауов, Хоккейден Қазақстан құрамасының бас бапкері:

Біз үшін бұл турнир сәтті болды, көрерменге позитивті көңіл-күй сыйладық деп ойлаймын. Мен жігіттерге сендім, олар өздеріне жүктелген тапсырмасы ойдағыдай орындап шықты. Жапония құрамасы өте мықты команда. Кездесуде қарсылас тарапынан қысымның болғаны рас, десе де біздің жігіттер оны еңсере алды. Баршаңызға жеңіс құтты болсын!