Маңғыстау облысында құтырған түлкі оқушыларға шапқан

Маңғыстауда оқушыларға түлкі шабуылдады. Оқиға Бейнеу ауылында болған. Тапа-тал түсте сабаққа келе жатқан 1-ші және 9-шы сыныпта оқитын екі қыз балаға мектептің ауласында жыртқыш тап беріп, аяқтарын жарақаттаған. Оқушыларға сол бойда мектеп медбикесі алғашқы көмек көрсетіп, аудандық көпбейінді ауруханаға жеткізген. Облыстық денсаулық сақтау басқармасының мәліметінше, екі баланың да жарақатына хирургиялық өңдеу жасалып, екпе салынды. Ары қарай да амбулаториялық бақылауда болады. Қазіргі уақытта жағдайлары бірқалыпты. Ал мамандар түлкіні өлтіріп, Ақтаудағы ветеринариялық зертханаға жіберген.