Маңғыстау облысында өрт сөндіру бөлімдері ашылды

Маңғыстауда үш бірдей өрт сөндіру бөлімі ашылды. Оның бірі Құрық ауылында орналасқан. Екіншісі Тұщықұдық елді мекенінде. Ал үшіншісі Ақтау қаласында. Облыс орталығында іске қосылған бөлім заманауи, кеңейту мүмкіндігі бар ангарлық типте салынған. Мұнда қызметкерлерге барлық жағдай жасалған. Бұл бөлім Ақтау қаласының төменгі шағын аудандарына, Приморский және Өмірзақ ауылына, өндірістік аймақтарға, сонымен қатар, теңіз жағалауындағы демалыс орындарына қызмет көрсетеді. Сондай-ақ қызметкерлерге өртке қарсы құтқару техникаларының кілті табысталды.

Құрылыс материалдары өте ыңғайлы, тез жиналады әрі жылы болып келеді. Сол себептен бұны пайдаланған кезде қосымша болашақта күрделі жөндеуді талап етпейді және ішіне 6 техника кетеді ангарға, екі орамға өте ыңғайлы, барлығы автоматтандырылған. 45 жеке құрам штат бойынша жұмыс атқаратын болады.