Ақтөбе облысында үлгілі көлік жүргізушілері марапатталды

Ақтөбе облысында жыл басынан бері 331 мыңнан аса жол ережелерін бұзу дерегі тіркелген. Полицейлердің айтуынша, жылдамдықты шамадан тыс асыру және қарсы бағытқа шығу әрекеттері жиі қайталанады. Осы ретте, «Үлгілі жүргізуші-2025» акциясы ұйымдастырылды. Полицейлер ереже бұзбаған көлік жүргізушілерін жол бойынан тоқтатып, алғыс хат пен естелік сыйлықтар табыстады. Мұндай құрметке ие болғандардың бірі – Дулат Мұхитов. Ол шаһардағы ірі мекемелердің бірінде еңбек етеді. Жұмыстан тыс уақытта да жеке көлігімен көп жүреді. Дегенмен, әрдайым ереже бұзбауға тырысамын дейді.
Дулат Мұхитов, көлік жүргізушісі:

Көбінесе сол – жылдамдықты асыру ғой. Жылдамдықты асырады, сосын пешеходтан мұқият болу керек. Барлығын жылдамдықтың мөлшерін асырмауға шықырамын. Шама келгенінше сабырлық сақтап жүргенін қалаймын. 

Анықталған құқықбұзушылықтардың қорытындысы бойынша 4 млрд, 602 млннан астам айыппұл салынып отыр. Акцияның басты мақсаты – жол жүрісі қағидаларын қатаң сақтайтын жүргізушілердің оң иммиджін қалыптастыру. Жол жүрісі ережелерінің барлық қатысушыларының құқықтық сана деңгейін арттыру болып табылады.