Зейнетақы жинағымен ипотека жабу: Министрлік қандай өзгеріс ұсынды?

Үкімет есептелген елдің әл-ауқатын арттыруға арналған бағдарламасында ипотекалық несиеге де тоқталған.

2026 жылғы шілдеден ипотекалық кредиттер бойынша жылдық тиімді сыйақы мөлшерлемесі 25-тен 20%-ға дейін төмендетіледі. Ал ипотеканың пайыздық мөлшерлемесі бастапқы жарнаға қарай әркелкі белгіленуі мүмкін.

Қаржы нарығын реттеу агенттігін басқаратын М. Әбілқасымованың айтуынша, сөзбе-сөз келтірейік: «Бастапқы жарнаңыз неғұрлым көп болса, алатын несиеңіз соғұрлым азырақ шығады. Сәйкесінше, пайыздық мөлшерлемені де барынша төмендету мүмкіндігі бар. Басқаша айтқанда, енді 25% деген жалғыз мөлшерлеме болмайды. Адамдарды бастапқы жарнаны көбірек салуға ынталандыруға күш саламыз».

Сонымен бірге жинақталып жатқан зейнетақыдан пайыздық мөлшерлемені төлеуге байланысты өзгерістер енуі мүмкін. Дәлірегі: шектеу. «Бұл дұрыс, негізгі қарызды жапқан маңыздырақ», «Жоқ, дұрыс емес, ай сайынғы төлемді жауып жүргендерге қиын» деген пікірлер бар.

Ал мақсат – Бірыңғай жинақтаушы зейнетақы қорынан ақшаны қарқынды шешіп алуды қысқарту ғана болса, онда ешқандай да адам қамын ойлау емес.