Қызылордада «Ассамблея аруы» байқауы өтті

Қызылордада алғаш рет «Ассамблея аруы» байқауы өтті. Қазақстан Халқы Ассамблеясының 30 жылдығына орай ұйымдастырылған сұлулық конкурсына түрлі этнос өкілдерінен 8 бұрымды қатысты. Байқау төрт кезеңнен тұрды. Қатысушылар мемлекеттік тілді ұлықтап, ұлттық дәстүрді дәріптеді. Сахна төрінде арулардың білімі мен парасат пайымы да сыналып, шығармашылығы бағаланды. Сондай-ақ, әр этнос өкілі ұлттық аспабында ойнап, би билеп, өнерімен көпті тәнті етті.    

Рузана Шамилова, байқауға қатысушы:

Қазақстан Халқы Ассамблеясының 30 жылдығы құтты болсын. Бүгінгі мереке өте күшті өтіп жатыр. Қазақ халқының ұлттық өнерін дәріптеп жатырмыз. Маған қазақ халқының қыздары киетін тақиясы қатты ұнайды.