Қазақстан алтын сатып алудан 2-орынға көтерілді

Қазақстан әлемде алтын сатып алудан екінші орынға көтерілді. Бұл ақпаратты BestBrokers порталы жариялады. Олар жыл басынан бері Ұлттық банктер сатып алған алтын көлемін есептеп шыққан. Бірінші орында Польша, олар 67,1 тонна, екінші Қазақстан 32,4, үшінші Қытай, 22,7 тонна алтын сатып алған. Алғашқы ондықта Түркия, Чехия, Камбоджа, Гана, Қатар, Үндістан және Сербия елдері тұр. Ал алтын қоры азайған елдер тізімінде Өзбекстан мен Ресей мемлекеті бар.

Жалпы, әлемде алтын қоры жөнінен АҚШ көш бастап келеді. Одан кейінгі орында Германия, Франция елдері тұр.