АЭС құрылысы 2029 жылы басталады

Қазақстандағы алғашқы Атом электр станциясының құрылысы шамамен 2029 жылы басталады. Атом энергетикасы жөніндегі агенттік төрағасы Алмасадам Сәтқалиевтің айтуынша, атом саласында бұл кезеңді «алғашқы бетон» деп атайды. Айтуынша, қазір жұмыс кестеге сәйкес жүріп жатыр. Шамамен 50 ұңғыма бұрғыланды. Топырақ алынып, сарапталып жатыр. 18 айдың ішінде жобалау-іздестіру жұмысы аяқталып, стансаның түпкілікті пішіндемесін аламыз деді.