Өрт кезінде зардап шеккен тағы бір науқас Шымкентке жеткізілді

Түркістан облысының Алғабас ауылында болған өрт кезінде зардап шеккен тағы бір науқас Шымкентке жеткізілді. 35 жастағы азаматшаның денесінің 30 пайызын күйік шалған. Аудандағы ауруханада емдеу әрі қарай нәтиже бермейтін болғандықтан, мамандар оны тікұшақпен қалаға жеткізді. Естерңізге сала кетейік, 18 қараша күні Алғабаста екіқабатты жер үй өртеніп, 12 адам қаза тапты. Оның 9-ы бала. Аман қалған үш адамның екеуі Шымкентте, ал бір науқас Жетісайдағы ауруханада жатыр.