Биыл президенттік жастар кадр резервіне 50 адам іріктелді

Елімізде президенттік жастар кадр резервіне қатысуға ниет білдірушілер саны жыл сайын артып келеді. Биыл бір орынға 148 адам таласқан. Бұл өткен жылмен салыстырғанда 20 адамға көп. 2019-2023 жылдары өткен үш іріктеу аясында резервтің порталына 66 мыңға жуық адам тіркелсе, биыл бұл көрсеткіш 31 мыңды көрсетіп отыр. Төртінші рет ұйымдастырылып отырған сайыста кандидаттар 6 кезеңнен өтті. Оның қорытындысы бойынша 7 436 кандидаттың арасынан 50 адам іріктеліп алынды.

Әлібек Ахмедьяр, Мемлекеттік қызмет істері агенттігі төрағасының орынбасары:

Осы 19-дан бері біз резервті қарасақ, 80 пайызы жұмысқа орналасты. Оның ішінде 28 адам саяси лауазымда, 5 корпус А лауазымында және 3 Мәжіліс депутаты мен бір Мәслихат депутаты болып жұмыс істеп жатыр.