Еңбек заңнамасына қайшы 6,5 мың жағдай анықталды

Биыл елде еңбек заңнамасына қайшы 6 жарым мың жағдай анықталған. Бұл туралы орталық коммуникациялар қызметіндегі брифингте айтылды. Заңға қарсы әрекеттердің көбі еңбек дауына, қауіпсіздіктің сақталмауына байланысты. Мұны тоқтату үшін 3 жарым мыңдай жұмыс берушіге хат жолданып, міндеттемелерді орындау талап етілді. Жалпы сомасы 425 млн теңгеден астам айыппұл салынды. Бұдан бөлек жұмыс берушілердің өз қызметкерлеріне 2 млрд теңге қарыз екені анықталды. Мемлекеттік инспекторлар соның 86 пайызын өндіруге көмек берген.