Ақтауда «Таза бейсенбі» акциясы аясында 70 тонна қоқыс шығарылды

Ақтауда «Таза бейсенбі» акциясы аясында өндіріс орындары мен  мемлекеттік мекемелердің ғимараттарының айналасы абаттандырылып жатыр. «Amanat» партиясы филиалының қызметкерлері де шараға атсалып, қызметтік кеңсе ауласында тазалық жұмыстарын жүргізді. Дәстүрлі акция облыстың барлық елдімекенінде өткізілуде. Жыл басынан бері қоғамдық орындарға мыңдаған көшет отырғызылып, 70 тоннадан астам қоқыс шығарылған. Тазалық шаралары Каспий теңізінің жағалауында да жиі ұйымдастырылып келеді.

Анар Шамшадинова, «Amanat» партиясы Маңғыстау облыстық филиалы төрағасының орынбасары:

«Таза бейсенбі» жобасы аясында апта сайын тазалық жұмыстары жүргізіледі. Ғимараттардың, саябақтарды, теңіз жағалауының тазалығы ғана емес, сондай-ақ жан мен тәннің саулығы. Адамның бойының, ойының тазалығы. Сондықтан, біз бұл жобаға өзіміздің партияластарымызды, бастауыш партия ұйымдары мен белсенділері үнемі шақырамыз.