Басты Жаңалықтар «ТМД-ға арналған 100 идея» жобасының финалы өтті

«ТМД-ға арналған 100 идея» жобасының финалы өтті

20.11.2025 13:21

Астанада «ТМД-ға арналған 100 идея» халықаралық жастар жобасының финалдық кезеңі өтті. Талантты жастар жасанды интеллект, ауыл шаруашылығы, медицина, әлеуметтік салада маңызға ие инновациялық жобаларын көрмеде ұсынды. Олар Қазақстан, Әзербайжан, Армения, Беларусь, Қырғызстан, Ресей, Тәжікстан және Өзбекстан елдерінен келген болашақ стартаперлер. Қатысушылар алдымен өз мемлекеттерінде ұлттық іріктеуден өтіп, халықаралық финалға жолдама алды.

Айта кетейік, жастардың жаңашыл идеясын қолдайтын маңызды шара ТМД елдерінде 2014 жылдан бері ұйымдастырылып келеді.

Бану Ибрагимова, жобаға қатысушы /Әзербайжан/:

Бұл құрылғы – топырақ құрамын токсиндерден тазартады. Өйткені жер бетінде өздігімен ыдырамайтын зиянды заттар өте көп. Тазарту 3 кезеңнен тұрады. Мысалы мына суды – метанол деп алып қарайтын болсақ, осы арқылы миксердің көмегімен топырақтағы зиянды заттарды ерітеміз. Құрылғыны 6-шы сыныпта ойлап таптым. Енді суды тазарту үшін осы сияқты тағы бір әдіс ойлап шығарғым келеді.

Қайрат Қамбаров, ҚР Мәдениет және ақпарат министрлігі жастар және отбасы комитетінің төрағасы:

Сегіз мемлекеттен қонақтарымыз келіп отыр. Сол кісілермен бірлесе отырып жаңа жобаларды көреміз, пікір алмасамыз, тәжірибе алмасамыз, жақсы жобалар болса өз мемлекетімізде соларды қолданатын боламыз.

Автор

Ақниет Балтанова

Бөлісу