Өзбекстанда да тұмау өршіп тұр

Маусымдық тұмау індеті көршілес Өзбекстанда да кең таралды. Жұқпалы дерт әсіресе балалар арасында белең алған. Дәрігерлер мен санитарлық-эпидемиологиялық қызмет өкілдері мектептер мен балабақшаларда тексеру жүргізуге кіріскен. Жедел респираторлық вирустық инфекциялардың алдын алу бойынша түрлі шаралар қолға алынды. Ата-аналар мен мұғалімдерге ауру белгілері байқалған жеткіншекті сабаққа жібермеу туралы ескерту таратылды. Ел бойынша «Онлайн-дәрігер» кеңес беру жүйесі енгізіліп, науқастарға шұғыл жәрдем беру жайы ұйымдастырылған. Мамандар иммунитетті көтеру үшін вакцина алу қажеттігін де еске салып отыр.

Умида Иульчиева, дәрігер:

Стационарларда қосымша орындар ашылды. Вирусқа қарсы дәрі- дәрмек жеткілікті мөлшерде. Қажет болған жағдайда жылжымалы мобильді бригадалар ұйымдастыру ісі жолға қойылып жатыр.