10 айда елдегі қылмыс саны 5,3 мыңға азайды

Биыл 10 айда еліміздегі қылмыс саны былтырғымен салыстырғанда 5300-ге азайды. Президент қабылдауында болған Ішкі істер министрі Ержан Сәденов осындай дерек келтірді. Жыл басынан бері іздеуде жүрген 1400-ге жуық адам ұсталған. Олардың 138-і шетелде қолға түсті. Жедел іс-шаралар барысында 30 тоннадан астам есірткінің, соның ішінде 1 тоннадан астам синтетикалық заттардың айналымға түсуіне жол берілмеді. Интернет алаяқтықпен күрес бағытында 12 сall-орталық жойылды. Алаяқтардың 2 млрд 300 млн теңгені елден шығаруына тосқауыл қойылды. Президент елдегі құқықтық тәртіп пен қоғамдық қауіпсіздік деңгейін одан әрі арттыру бойынша бірқатар нақты тапсырма берді.