БҚО-да колледж директоры 49 млн теңге жымқырды деген күдікпен үйқамаққа алынды

Батыс Қазақстан облысында колледж директоры 49 млн теңге жымқырды деген күдікпен үйқамаққа алынды.

Бұрынғы қалалық мәслихат депутаты әрі Батыс Қазақстан индустриалдық колледжінің басшысы 54 адамды жалған студент ретінде тіркеген. Жоқ студенттерге өтірік баға қойылып, табель мен үлгерім құжаттары рәсімделген. Олардың атына банк шоттары ашылып, стипендия аударылған. Карталар директорға немесе оның нұсқауымен өзге адамдарға қолма-қол ақша алу және қаражатты әрі қарай пайдалану үшін тапсырылып отырған. Облыстық Экономикалық тергеп-тексеру департаментінің қызметкерлері сотқа дейінгі тергеуді жалғастырып жатыр.

Ернар Тайжан, Қаржылық мониторинг агенттігінің ресми өкілі:

Колледж директоры 49 млн теңгеден астам бюджет қаражатын иемденген. Оған қатысты бұлтартпау түріндегі үйқамақ шарасы қолданылды. Сот санкциясымен оның пәтеріне тыйым салынды.