Денсаулық сақтау министрі: Биыл вирус жылдағыдан ерте таралды

Елімізде вирустардың өршуі желтоқсанның ортасына дейін жалғасуы мүмкін. Денсаулық сақтау министрі Ақмарал Әлназарова Үкімет отырысында  осылай деп, елдегі эпид-ахуалды баяндады. Соңғы аптада республикада вирустық инфекциялардың 183 мың жағдайы тіркелген. Министрдің сөзінше, биыл тұмаудың таралуы жылдағыдан ерте байқалып отыр. Ал Премьер-министр Олжас Бектенов осы кезеңде дәрі-дәрмекпен қамтамасыз ету мәселесін ерекше назарға алу қажеттігін ескертіп, бақылауды күшейтуді тапсырды.

Олжас Бектенов,  ҚР Премьер-министрі:

Денсаулық сақтау министрлігіне әкімдіктермен бірлесіп, көмекке жүгінген азаматтарға көрсетілетін медициналық қызметтің сапасын бақылауға алуды тапсырамын. Қажет болған жағдайда стационарларда қосымша орындар ашып, жылжымалы мобильді бригадаларды ұйымдастыру қажет.