Алматыда Түркітілдес журналистер форумы басталды

Алматыда Түркітілдес журналистер форумы басталды. Алтыншы рет ұйымдастырылған шараға Германия, Нидерланд, Түркиядан келген мамандар журналистік этика, жасанды интелектті БАҚ-та қолдану тәжірибелерімен бөлісті. Қазір форумнан әріптесім Айдана Қуантхан тікелей қосылуға әзір.

-         Айдана, қайырлы күн. Форумда қандай тақырыптар талқыланып жатыр?

Айдана Қуантхан, тілші:

-         Қайырлы күн, Қонысбек. Бұл жолғы форум медиа саласындағы ең өзекті мәселелерге арналған. Ауқымды жиынға әлемнің бірнеше елінен жиылған БАҚ өкілдері цифрландыру дәуірінде журналиске қажетті жаңа дағдыларды, ақпараттық қауіпсіздіктің маңызын, жасанды интеллекттің медиа контентке әсерін талқылап жатыр. Сонымен қатар аймақтық медиаға цифрлық технологияларды енгізу, аудиториямен жаңа форматта жұмыс істеу тәжірибелері де назардан тыс қалмады. Дәл қазір менің жанымда қор басшысы Нәзия Жоямергенқызы тұр.

-         Нәзия ханым, биылғы форумның басты ерекшелігі неде? Шетелден келген сарапшылармен қандай ортақ жобалар жасалмақ?

Нәзия Жоямергенқызы, «Түркітілдес журналистер қоры» ҚҚ президенті:

Айдана Қуантхан, тілші:

Сарапшылар түркітілдес халықтардың журналистика саласындағы байланысы жоғары деңгейде дейді. Маңызды форум ертең де жалғасып, пиардағы жаңа технологиялар, әлеуметтік желілердің қоғамға ықпалы сөз болады.