Бірпалаталы парламентке көшу: 68% қолдайды

Қазақстандықтардың 68 пайызы бірпалаталы парламентке көшу туралы ұсынысты қолдайды. Қазақстанның стратегиялық зерттеулер институты жүргізген сауалнаманың нәтижесі осындай.

Парламенттік реформаларға дауыс бергендердің 72 пайызы 18 бен 29 жас аралығындағы жастар. Ал депутаттарды партиялық тізіммен сайлауды тұрғындардың 63 пайызы қолдайды. Қалалықтарға қарағанда ауыл тұрғындары реформаларға көбірек дауыс берген екен. Дәлірек айтсақ,  жаңа жүйені ауыл тұрғындарының шамамен 73%-ы, ал шаһар халқының 65%-ы таңдаған.