Өрттің себебін анықтау үшін үкіметтік комиссия құрылды

12 адамның өмірін жалмаған өртке байланысты қылмыстық іс қозғалды. Мемлекет басышысының тапсырмасымен өрттің себебін анықтау үшін Үкіметтік комиссия жұмысын бастады. Оған Премьер-министрдің орынбасары Қанат Бозымбаев төрағалық етеді. Комиссия құрамында Төтенше жағдайлар, Ішкі істер, Денсаулық сақтау, Еңбек және халықты әлеуметтік қорғау министрліктері, Түркістан облысы әкімдігі өкілдері бар. Зардап шеккендер мен қаза тапқандардың отбасыларына медициналық және психологиялық көмек көрсетіліп жатыр. Жергілікті әкімдікке жерлеу рәсіміне көмек беру тапсырылды.