Ақтауда ата-аналар сарбаздардың жағдайымен танысты

Ақтауда теңіз жаяу әскерлерінің гарнизонына 100-ден астам ата-ана барып, сарбаздардың жағдайымен танысты.

Шара «Әскер аналар көзімен» акциясы аясында ұйымдастырылған. Ата-аналар сарбаздардың қызметі мен тұрмысын көріп, казармаларды, оқу корпустарын, жаттығу сыныптары мен ақпараттық-тәрбие жұмысы жүргізілетін бөлмелерді аралады. Одан кейін бөлімше басшылығы жиналыс өткізіп, үздік танылған сарбаздардың ата-аналарына Отан қорғаушыларды тәрбиелегені үшін алғыс айтты. Содан соң ата-аналар мен жауынгерлерге ортақ түскі ас ұйымдастырылды.