Астанада Эстония әдебиетінің көрмесі ашылды

Бүгін Астанадағы ұлттық академиялық кітапханада «Эстония әдебиеті бұрышы мен комикстер» көрмесінің ашылу рәсімі өтті. Шара Эстония кітабы жылы аясында ұйымдастырылған. Оған Эстония Республикасының Президенті Алар Карис те қатысты. Көрме қазақстандық оқырмандар үшін Эстония халқының бай рухани әлеміне, көрнекті жазушылары мен ақындарының шығармашылығына терең бойлауға жол ашады. Мұнда жалпы саны 320-ға жуық басылым қойылып отыр. Соның ішінде 200-ден астамы тікелей Эстониядан әкелінген жинақтар.

Аида Балаева, ҚР Мәдениет және ақпарат министрі:

Белгілі эстон жазушысы Фридрих Крейцвальд халық өз әнімен тірі деген екен. Бүгінгі әдебиет бұрышының ашылуы Қазақстан мен Эстония арасындағы мәдени байланыстарды нығайтуға, шабыт пен достық жолында жаңа қадам болары анық.