Өзбекстанда жер сілкінісін болжау үшін ЖИ қолданылады

Өзбекстан жер сілкінісін алдын ала болжау үшін жасанды интеллектті қолданады. Ел билігі келесі жылдан бастап жаңа технологияларды сынақтан өткізуді бастамақ.

Ең алдымен Ташкент, Самарқан мен Бұқара сынды ірі шахардағы мәдени мұра болып табылатын маңызды нысандардың сейсмикалық төзімділігі бақылауға алынады. Мұнан бөлек көлік тасымалы саласындағы құрылымдар, жер асты және жер үсті метролар жүйесі де назардан тыс қалмайды. Мақсат- адамдардың қауіпсіздігін қамтамасыз ету. Жалпы сейсмикалық қауіпсіздік секторын цифрландыру мен бұл салаға жасанды интеллект технологияларын қолдану мүмкіндігі жан-жақты зерттеледі. Бұл іске IT мамандар, инженерлер мен ғалымдар тартылмақ.