Басты Жаңалықтар Блог жүргізу әдебі: Блогер қандай болғаны дұрыс?

Блог жүргізу әдебі: Блогер қандай болғаны дұрыс?

16.11.2025 19:55

Сенатор Амангелді Есбай «кәсіби білігі күмән туғызатын коучтар мен психологтардың көбеюі азаматтардың психикалық және әлеуметтік қауіпсіздігіне қауіп төндіріп отыр» деген депутаттық сауалында бұл мәселенің заңды және кәсіби тұрғыда реттелмеуіне назар аударады.

Иә, психологиялық көмекке сұраныс айтарлықтай артқан. Бірақ кәсіби білігі жоқ «мамандар» көбейіп барады. А. Есбайдың айтуынша, мұндай псевдосарапшылардың бір бөлігі ғасырлар бойы қалыптасқан отбасылық дәстүр мен ұлттық құндылықтарға қайшы пікірлерді ашық түрде таратады.

Олар дін қағидаларын өз бетінше тәпсірлеп, дәстүр мен дін арасындағы тепе-теңдікті бұзып, адамдарды адастырып жүр. «Жұбайыңызды қалай өзгертуге болады?», «Балаңызды басқару тәсілдері» немесе «Ажырасу - жаңа өмірдің бастауы» деген мазмұндағы радикалды көзқарастарды насихаттайтын псевдомамандардың ықпалынан көптеген отбасылардың шаңырағы шайқалып жатыр деп есептейді.

Бизнеске байланысты «коучтар» - ол бөлек бір тақырып. Сенатор психологиялық және коучинг қызметі туралы заң қабылдап, лицензиялау және кәсіби тіркеу тетігін енгізуді ұсынады. Бұл «қызметтер» блогерлікпен ұштасады.

Қаншасының псевдо екенін есептеп жатқан ешкім жоқ, сондықтан «мынша пайызының» деп сенімді формада айта алмаймыз. Алайда ғылыми дәйегі жоқ «дәрістер» ұсынатындар аз емес.

Ең қорқыныштысы - ондай «ілімдерге» тамсанып отырған адам - бірнеше миллион. Мысалы, түс көріп таңғажайыптар ашып жүрген «мамандардың» аудиториясы негізінен мектеп мұғалімдері екенін естігенде... Шын, не деріңді білмейсің.

Әлеуметтік желілерді «парақтау» әдеті бәрібір қалмайды. Ендеше шаруамен, іспен, кәсіппен айналысатын адамдардың парақшаларын көрсек. Мысалы, дамыл таппайтын ауыл тұрғындарының. Елдос Есенбол сабақтайды.

Автор

Елдос Есенбол

Бөлісу