Құрылыс саласында 9 айда мердігерлерге 1,6 млрд теңге айыппұл салынды

Астанада үйдің қасбеті опырылып, үйінді астында қалған адамдарға көмектесуге ұмтылған фельдшер келіншектің үстіне кондиционер құлады. Жағдайы өте ауыр. Астанада және бір үйде лифтіні жөндеп жатқан мамандардың бірі опат болды.

Жалпы, салынғаны кеше дейтін үйлердің іргетасы сөгіліп, қабырғалары жарылып жатқаны жайлы ақпарат сирек емес.

Соңғы ақпарат осыдан 5–6 күн бұрын шықты. Ақтөбедегі Алтын Орда шағын ауданындағы екі-ақ жыл бұрын пайдалануға берілген үйдің қабырғалары бірден дерлік жарылған, солар ұлғайып барады.

Құрылыстағы нормативтер неге сақталмайды? Ең қарапайым сұрақ — сылақтың құрамындағы цементтің мөлшері қанша болуы керек? Құрылыстың нормамен салынуын кім тексереді? Тексере ме өзі? Амангелді Сейітханның сараптамасы.