Басты Жаңалықтар Ауыл шаруашылығы еңбеккерлерінің саны 1 млн-нан асады

Ауыл шаруашылығы еңбеккерлерінің саны 1 млн-нан асады

15.11.2025 17:00

Қарашаның үшінші жексенбісі – ауыл шаруашылығы еңбеккерлерінің күні. Елімізде осы агроөнеркәсіп саласында тер төгетіндердің саны 1 млннан асады. Кәсіби мереке қарсаңында кеше Президенттің қатысуымен агрофорум өтті. Жиынға 2000-нан астам адам қатысты. Олардың арасында қарапайым шопаннан бастап, сауыншы, диқан, механизатор мамандары да бар. Мәселен, түйе шаруашылығының негізін қалаушы Сыдық Дәулетов жуырда, 1000 түйе қатысқан, ең ірі керуен ұйымдастырып, Гиннестің рекордтар кітабына енді.

Сыдық Дәулетов, «Дәулет-Бекет» түйе шаруашылығының негізін қалаушы:

Бұл енді тек малмен мақтану емес, бұл туризм, ауыл шаруашылығын паш ету, оның ішінде осы кенже қалып қойған түй шаруашылығын әлемге таныту.

Рамазан Әбілдин, «Сарыөзен» шаруа қожалығының басшысы:

Қазақтың ақбасымен айналысамын 2016 жылдан бастап. Бүгінгі күні 300ге таяу ақ бас сиыр, 500ге тарта жылқы бар. Кеше 2016да сатып алсақ, бүгінгі күні өзіміз сататын дәрежеге жетіп отырмыз.

Кәмшат Төлеуова, «Нұралы» шаруа қожалығының басшысы:

Ең басында 100 бас ақбаспен бастаған ек, қазір енді біразға жетті. Мал шаруашылығымен қоса, ет комбинаты бордақылау алаңдары бар. Осы жерде басқа облыстың кәсіпкерлерімен жиналып мәр-сәре боламыз. Барлығыңызға ауыл шаруашылығы күні құтты болсын.

Автор

Раушан Сайлауқызы

Бөлісу