Басты Жаңалықтар Биыл елімізде 29 мыңнан астам жол-көлік оқиғасы болған

Биыл елімізде 29 мыңнан астам жол-көлік оқиғасы болған

14.11.2025 17:11

Жыл басынан бері елде 29 мыңнан астам жол-көлік оқиғасы тіркелген. Оған жылдамдықты арттыру, қарсы жолға шығу және көлікті мас күйінде жүргізу жағдайлары себеп болған. Сондай-ақ жаяу жүргіншілердің жолды белгіленбеген жерден кесіп өтуі де бұл көрсеткішке тікелей әсер етіп отыр. Бұл туралы Ішкі істер министрлігі Әкімшілік полиция комитеті төрағасының орынбасары мәлімдеді. Ғалым Саргуловтың айтуынша, оқыс оқиғаларға көлік жүргізу тәртібінің төмен деңгейде болуы да себеп.

Ғалым Саргулов, ІІМ Әкімшілік полиция комитеті төрағасының орынбасары:

Жыл басынан бері полиция 12 миллионнан астам жол қозғалысы ережесін бұзу дерегін тіркеді. Бұл кезеңде 21 мыңнан аса мас жүргізуші анықталып, 25 мыңнан астам адам көлік жүргізу құқығынан айырылды. Сондай-ақ 21 мың азамат әкімшілік қамауға алынып, 401 мыңнан астам жаяу жүргіншіге айыппұл салынды.

Спикердің айтуынша, жол қозғалысын қадағалау мақсатында бүгінде цифрлық шешімдер енгізіліп жатыр. Мәселен, дрондардың көмегімен 4 мыңнан астам құқық бұзушылық анықталған. Сондай-ақ, Көлік министрлігімен бірлесіп республикалық тас жолдарда орташа жылдамдықты бақылау жүйесі енгізілген. Бүгінде ұзындығы 2 мың шақырым болатын 8 автожол қамтылған. Ал келешекте, бұл тәжірибе ұзындығы 1 мың шақырымнан асатын 10 жолда қолданылмақ.

Автор

Темірлан Нұрсолтан

Бөлісу