Жезқазғанда «Менің таза қалам» атты ашық сабақтар өтуде

Ұлытау облысы Жезқазған қаласында «Менің таза қалам» атты ашық сабақтар өтуде. Сабақ барысында оқушыларға «Таза Қазақстан» акциясының маңыздылығы түсіндіріліп, экологиялық жауапкершілік туралы кеңінен айтылды. Ең бастысы оқушылар арасында экологиялық мәдениетті қалыптастырып, тазалықты насихаттау, дейді ұстаздар. Алдағы уақытта мұндай шаралар тек мектеп қабырғасында ғана емес, барлық білім ордаларында жалғасын таппақ.

Ақжарқын Тәкішева, бастауыш сынып мұғалімі:

Балаларды жалқаулықтан арылту, бірге жұмыс жасау, табиғатты қорғау. Барлығын біріктіре отырып, аптасына 1 рет ашық сабақтар өткізіп отырамыз.