Оралда Қазақстан – Ресей XXI өңіраралық ынтымақтастық форумы өтуде

Оралда өтіп жатқан Қазақстан – Ресей XXI өңіраралық ынтымақтастық форумы аясында жұмысшы мамандықтар жылына арналған көрме ұйымдастырылды.

Ауқымды шараға отандық ірі компаниялар, жергілікті кәсіпорындар мен 14 колледж қатысып жатыр. Олар жаңа технологиялар мен жасанды интеллект әдісімен жасалған стартап жобаларын келушілер назарына ұсынды. Көрме цифровизация, энергетика, көлік-логистика, ауыл шаруашылығы бағытындағы тақырыптық бөлімдерді қамтиды. Ал түстен кейін, яғни Қазақстан – Ресей өңіраралық форумының екінші күнінде қос елдің басшылары бейнебайланыс арқылы сөз сөйлейді. Іс-шараның жалпы отырысында басты сұрақтар талқыланып, ортақ шешімдер қабылданбақ. Екі жақ маңызды салалар бойынша құжат алмасады.

Нариман Төреғалиев, облыс әкімі:

Жұмысшы мамандықтар жылына арналған форумда біздің колледж студенттерінің форумнан алатыны өте көп. Біріншіден, жалпы өңірдегі барлық колледж дуальді оқыту арқылы тікелей тәжірибе алмасу бағытында үлкен-үлкен кәсіпорындармен байланысы бар.