Хромтау қаласының әкімі пара алды деген күдікке ілінді

Ақтөбе облысы Хромтау қаласының әкімі пара алды деген күдікпен ұсталды. 40 жастағы Сағындық Шабықбаев екі ай мерзімге қамалды.

Қазір тергеу жүріп жатыр. Оның кімнен, қанша көлемде және қандай «қызметі» үшін пара алғаны хабарланған жоқ. Шабықбаев еңбек жолын Әйтеке би ауданындағы Халыққа қызмет көрсету орталығында бастаған. 2017 жылы Хромтау ауданына ауысып, әкім аппаратында жұмыс істеген. Ал 2018-2023 жылдары аудан әкімінің орынбасары болған. Соңғы екі жылдан бері шаһар басшысы қызметін атқарып келді.