Абай облысында жаңа зауыт іске қосылды

Абай облысының Бородулиха ауданында керамикалық кірпіш өндіретін зауыт ашылды. Жалпы құны 2 миллиард теңге болатын жобаны жергілікті инвестор қаржыландырған. Кәсіпорын 50-ден астам адамды жұмыспен қамтиды. Өндіріс өңірдің өнеркәсіптік әлеуетін арттыруға мүмкіндік бермек. Жаңа кірпіш зауытында жылына шамамен 6 миллион жоғары сапалы құрылыс материалы өндіріледі. Келешекте  Семей алып құрылыс алаңына айналмақ. Облыс орталығында 70 мың тұрғынға арналған жаңа ықшам аудан бой көтереді. Жаңа кәсіпорын отандық құрылыс материалдарының үлесін арттыруға мүмкіндік береді.

Бұның енді сапасына келетін болсақ, бұл жерде 90 проценті глина, сары топырақ және де 10 проценті бұның көмір. Осымен бұл жағылып келеді. Қазіргі уақытта бұндағы сапасы ҚР ұлттық сапа және сертификаттау орталығындағы тексеру протоколынан толық өткен. Қазіргі орташа жұмысшылар жалақысы 350 – 400 мың теңге. Алды 800 мыңға дейін барды қазір.