ШҚО-да соңғы екі айда өрт жиілеген

Шығыс Қазақстан облысында жылыту кезеңі басталғаннан бері 30-дан астам өрт оқиғасы тіркелген. Көбіне жеке тұрғын үй өртенген. Сондықтан облыстық Төтенше жағдайлар департаментінің қызметкерлері қыркүйектен бастап бүгінге дейін 18 мыңнан астам ауланы аралап, тұрғындарға түсіндірме жұмысын жүргізді. Нәтижесінде өрт қауіпсіздігін сақтамаған 11 мыңға жуық дерек анықталды. Өңірде соңғы үш жылда улы газ шықса, дабыл беретін он жеті мыңнан астам арнайы құрылғы орнатылды. Былтырдан бері осы құрылғының арқасында 42 адам құтқарылған.