Атырау облысында мердігер мекеме өкілінен ақша бопсалаған блогер ұсталды

Атырау облысы Құрманғазы ауданында жол құрылысымен айналысатын мердігер мекеме өкілінен ақша бопсалаған блогер ұсталды. Ол «Жолда бақылау» қоғамдық бірлестігінде белсенді болып, әлеуметтік желілерде жол сапасы туралы жазбалар жариялап жүрген. 29 қазан күні Полиция департаментіне мердігер мекеме өкілі өзін блогер, қоғамдық белсендімін деп таныстырған азамат 30 млн теңге ақша бопсалағаны туралы арыз түсірген. Оның сөзінше, күдікті оған психологиялық қысым көрсетіп, ақша бермеген жағдайда бейнежазбаны әлеуметтік желіге таратамын деп қорқытқан. Тәртіп сақшылары 43 жастағы күдіктіні қолға түсірді. Қылмыстық іс қозғалды.