Жаңа ереже: Емханада дәрігерлердің қабылдау тәртібі өзгереді

Денсаулық сақтау министрлігі терапевттен жолдама алған соң, бейінді мамандарға 14 күннің ішінде қайтадан баруға болатын ережені өзгертіп, 60 күнге созды. Бұйрық күшіне енді. Енді пациенттер терапевтке бір рет қаралған соң қажет маманына екі айдың ішінде бара алады.

Денсаулық сақтау саласында шиленіп қалған мәселе көп. Міндетті сақтандыру қаржысы, мысалы. Әсіресе соңғы бір жарым жылда қордың күрделі жағдайда екенін білеміз. Кірісі мен міндеттемелер арасында тепе-теңдікті сақтау қиындаған үстіне қиындап барады. Медициналық көмек алуда да мәселе жетеді.

Бірақ әйтеуір бірнәрседен бастау керек шығар. Жаңа ережеден кейін медициналық көмек алудағы проблемалардың көбесі сөгіле бастай ма? Аталған процедура шынымен жеңілдей ме?