«Наурыз» бағдарламасы: 15 мың адам өтінім берген

Апта басында ғана ашылған «Наурыз» бағдарламасына 15 мың өтінім түскен. «Отбасы банктің» дерегінше, оның 9 мыңнан астамы, яғни 62 пайызының құжаты қабылданған. Олардың арасында  әлеуметтік аз қамтылған азаматтар да бар. Ал 2 мыңнан астам өтініш талапқа сәйкес келмеген. Тағы 3,5 мың қатысушы өтінім беру процесін әлі аяқтамаған. Айта кетейік, «Наурыз» бағдарламасына құжат қабылдау желтоқсанның 1-іне дейін жалғасады.