Қостанайдағы медицина ұйымдары жаңа көлік алды

Қостанайда медицина ұйымдарына су жаңа 50 жедел жәрдем көлігінің кілті табысталды. Реанимациялық автомобильдер аймақтағы аудан және қалалық ауруханалардың иелігіне берілді. Осылайша автопарктің 90 пайызы жаңарып, облыстағы реанимобиль саны 150-ге жетті. Көліктің бәрі жергілікті өндіріс орындарында құрастырылған. 

Ендігі кезекте облыс орталығындағы жедел жәрдем бригадаларының  санын арттырмақпыз. Бұл көрсетілетін медициналық қызметтің сапасын жақсартып, науқасқа жету уақытын айтарлықтай қысқартады. Сондай-ақ техникалық парктің жаңаруы біздің салаға үлкен көңіл бөлініп отырғанның белгісі.