«Интер» «Қайратты» 2:1 есебімен жеңді

Кеше футболдан UEFA Чемпиондар лигасы негізгі кезеңінің төртінші турында алматылық «Қайрат» Миланның «Интер» командасына есе жіберді. Есеп: 2-1. Дегенмен бұған дейін италиялық клуб аталған тунирдегі үш ойында бір де бір ретғ өз қақпасына гол жібермеген еді. «Қайрат» алғашқы болып, «Интердің» қақпасынан саңылау тапты.

Алайда ойыншымыз Офри Арад соққан жалғыз гол жеңіс үшін аз болды. Бір гол айырмасымен жеңілдік. Кездесудің алғашқы минуттарынан-ақ алаң иелері басымдық танытқаны рас. Бірақ «Қайраттың» қақпашысы Темірлан Анарбековтың шеберлігін айта кетпеске болмас. Сейфтердің сиқырын көрсетті. Ал «Қайраттың» бас бапкері матчтан кейін былай деп пікір білдірген.

Рафаэль Уразбахтин, «Қайрат» ФК бас бапкері:

Біз фантастикалық қарсыласпен – былтырғы финалиспен ойнадық. Олардың деңгейін білдік, сондықтан бар күшімізді салуға тырыстық. Жігіттерге ризамын, ойын менің жоспарыма сай өтті. Иә, қателіктер болды, бірақ мұндай матчтарды тарихқа жазуға болады. Біз үш мықты клубқа қарсы ойнадық. Біз дұрыс бағытта келе жатырмыз. Осындай турнирлерге тұрақты қатысу клуб дамуына серпін береді.