Атыраулық мамандар ЖИ саласын меңгеруде

Атырауда жас мамандар үшін энергетика және құрылыс колледжінде жасанды интеллект пен цифрлық өндіріс құралдарын меңгеруге арналған семинар өтті. Мамандар жасанды интеллекттің негізгі ұғымдары мен құралдары туралы дәріс тыңдады. Практикалық кезеңде цифрлы өндіріс зертханасында фрезер-гравер станогы, лазерлік кесу және 3Д-принтер, интерактивті басып шығару құрылғыларымен жұмыс істеп, тәжірибелік сабақтар өтті. Бұған дейін колледж мамандары Франиция, Қытай секілді елдерге барып білімдерін жетілдіріп келген. Енді оқу орны осы бағыттағы жұмыстарды әрі қарай жалғастырмақ ниетте. 

Тухфатолла Жұмағазиев, Атырау энергетика және құрылыс колледжінің директоры:

Шетелден курстан өтіп келіп, тәжірибе алмасып заманауи технологияларды игеруге септігін тигізді деп ойлаймын. Балалардың өндірістерге барған кезде көрген білікті маман ретінде әрі қарай жұмыс істеп кетуіне үлкен пайдасын тигізеді.