«Жауын-шашын салығы» – фейк ақпарат

Қазақстанда «жауын-шашын салығы» енгізіледі деген фейк ақпарат тарады. Тексеру нәтижесінде бұл хабарламада бұрмалау фактісі бары анықталды. Құжатта «Нөсер кәрізі жүйелерін пайдалану қағидалары» туралы айтылған. Бірақ бұл ел азаматтары үшін ешқандай салық түрін енгізуді көздемейді. Өнеркәсіп және құрылыс министрлігі «жауын-шашын және еріген суларды бұруға арналған төлем» сол саланы табысқа айналдырған заңды тұлғаларға ғана қолданылады деп түсіндірді. Демек жеке тұлғаларға бұл ереже еш әсер етпейді.