Гемангиома диагнозымен туған балаларға ота тегін жасалатын болды

Енді ерін, таңдай жырығы, гемангиома диагнозымен туған балаларға ота тегін жасалады. Мәжіліс ерекше балаларды қолдау туралы заңды жұмысқа алды. Бұған дейін мемлекет балалардың бет-жүзіне жасалатын операцияларға қаржы бөлмейтін. Өйткені мұндай ем-шара денсаулықты жақсарту үшін емес, сыртқы келбетті қалпына келтіру үшін қажет деп саналып келді. Бірақ дәрігерлердің айтуынша, ота жасалмаса, баланың тыныс алу, көру қабілеті нашарлайды. Сондықтан енді тамырлық малформациялар мен бет-әлпеттегі өзге де ауру түрлері мемлекет есебінен емделеді.