Ауа райына байланысты республикалық маңызды жолдар жабылды

Ауа райының қолайсыздығына байланысты республикалық маңызы бар бірнеше автожол жабылды. Нақтырақ айтсақ, «Қытай шекарасы – Майқапшагай – Зайсан айналма жолы – Қалбатау – Семей – Павлодар – Ресей шекарасы» бағытындағы жолдарда барлық көлік түрлері үшін қозғалыс тоқтады. Шектеулер ауа райының нашарлауынан яғни, боран, көктайғақ және көріну мүмкіндігінің төмендеуіне байланысты енгізіліп отыр. Төтенше жағдайлар министрлігі шектеу алынғанға дейін бұл бағытта жолға шықпау керегін ескертеді.