Басты Жаңалықтар Трамп Қытайға жасанды интеллект чиптерін сатуға тыйым салды

Трамп Қытайға жасанды интеллект чиптерін сатуға тыйым салды

04.11.2025 17:24

Дональд Трамп америкалық Nvidia компаниясына Қытайға жасанды интеллект чиптерінің жаңа буынын экспорттауға тыйым салды.

АҚШ президенті компанияның жаңа Blackwell атты жасанды интеллект чиптерін тек АҚШ тұтынушылары пайдалана алатынын мәлімдеді. Бұған дейін Трамп Nvidia бас директоры Дженсен Хуангтың Қытайға жаңа Blackwell чиптерін сату туралы ұсынысын қарастырмақ болған. Алайда жоғары лауазымды шенеуніктер президентті бұл сауда АҚШ ұлттық қауіпсіздігіне қауіп төндіреді деген соң райынан қайтса керек. Себебі Ақ үй Қытай жасанды интеллектіге арналған америкалық чиптерге қол жеткізсе, бұл оның технологиялық қуатын арттырып, АҚШ-тың стратегиялық басымдығына зиян келтіруі мүмкін деп алаңдап отыр.

Дональд Трамп АҚШ Президенті:

Nvidia — нағыз керемет компания. Олардың жаңа шыққан Blackwell чиптері басқа барлық чиптен он жылға алда. Бірақ жоқ, біз бұл чипті басқа елдерге бермейміз. Біз ол чипті тек өзіміз ғана пайдаланамыз.

Бұған дейін АҚШ Сауда министрлігі жасанды интеллект чиптері мен ЖИ модельдерін экспорттауға жаңа шектеулер енгізген. Бұл америкалық технологияларды қару-жарақ, кибершабуыл және бақылау жүйелерінде пайдаланудан қорғау үшін қажет деп түсіндірген.

Бұған дейін АҚШ Сауда министрлігі жасанды интеллект чиптері мен ЖИ модельдерін экспорттауға жаңа шектеулер енгізген. Бұл америкалық технологияларды қару-жарақ, кибершабуыл және бақылау жүйелерінде пайдаланудан қорғау үшін қажет деп түсіндірген.

Автор

Жалғас Сәдібекұлы

Бөлісу