Ақтөбеде жол апатынан зардап шеккен екі адам ауруханадан шықты

Ақтөбе облысында болған сұмдық жол апатында жарақат алған екі адам ауруханадан шықты. Зардап шеккендердің тағы бірі үйіне бүгін жіберілуі мүмкін.

Естеріңізге салсақ, 12 адамның өмірін қиған жол апаты 23 қазан күні «Самара-Шымкент» тас жолында болған еді. Белқопа ауылы маңында жүк көлігі қарсы бағытқа шығып кетіп, шағын автобусқа соққан. Салдарынан он жолаушы мен екі жүргізуші сол жерде қаза тапты. Алты адам жарақат алды. Бұған дейін олардың бірі санавиациямен Астанаға жеткізілген болатын. Ақтөбе облыстық балалар ауруханасында жатқан жасөспірімнің жағдайы ауыр, әлі есін жимаған.