Бензин бағасын бақылау үшін жедел желі іске қосылды

Бензин бағасын бақылау үшін елімізде жедел желі іске қосылды. АИ-92 маркалы жанармай құнының қымбаттауы мен автогаздың жетіспеушілігіне байланысты шағым болса, +77018550248 нөмірі арқылы министрлікке хабарласуға болады. Жедел желі тәулік бойы, аптасына 7 күн жұмыс істейді.
Энергетика министрлігінің мәліметіше, қажетті отын көлемі барлық аймаққа жөнелтілген және қазір мұнай қоймаларында сақтаулы. Сондықтан жанармай тапшылығына еш себеп жоқ. Еске салсақ, 16 қазаннан бастап Қазақстанда АИ-92 маркалы бензин мен дизель отынының бағасын көтеруге мораторий енгізілді. Бұл шектеу инфляция деңгейі тұрақтағанға дейін күшінде болады.