Өзбекстанда ЖИ-ді дамыту альянсы құрылады

Өзбекстанда жасанды интеллектті дамыту альянсы құрылады. Ол үшін  мемлекет қосымша 100 миллион доллар қаражат бөлуді жоспарлап отыр.

Сондай-ақ осы бағытты қаржыландырғысы келетін инвесторлар үшін ерекше жағдай жасалады. Енді жасанды интеллектті өркендетумен тек цифрлық технологиялар министрлігі ғана айналыспайды. Бүкіл жоғары ведомстволар, үкіметтік емес ұйымдар мен бірлестіктер осы іске жұмылдырылады. Бұл ретте «Жасанды интеллектті дамыту альянсын» құру барлық тараптардың күш-жігерін біріктіретін алаң болмақ. Ал министрлер, әкімдер мен ректорлар ЖИ бойынша арнайы білім алады. Жоғары оқу орындарында жаңа оқу бағдарламалары құрылады.