Қазақстан мен Өзбекстан фармацевтика саласын бірлесе дамытуға ниетті

Қазақстан мен Өзбекстан арасында медицина саласы бойынша бірыңғай академиялық кеңістік құрылуы мүмкін. Екі ел фармацевтика саласын бірлесе дамытуға ниетті. Сондай-ақ денсаулық сақтау бағытында білім беретін жоғарғы оқу орындарының дипломдарын өзара тану туралы келісім жасалды. 

Бүгінде Ташкент медицина университетінде 100-ден астам қазақстандық студент білім алып жүр. Бұл дәрігерлердің жаңа буынын даярлауға тың серпін береді. Бауырлас елдерге ортақ білім беру жүйесін қалыптастырады. Мақсат – қолжетімді әрі заманауи технологияға негізделген денсаулық сақтау жүйесін дамыту. Қазақстан мен Өзбекстан кадр даярлау бойынша әріптестіктің маңыздылығына ерекше мән береді.

Ақмарал Әлназарова, ҚР Денсаулық сақтау министрі:

Тағы бір үлкен шара - біздің студенттердің басын қосу. Бүгінгі күні Қазақстанның жоғары медициналық оқу орындарында шамамен 700 өзбекстандық студент білім алуда. Біздің жастар осы Өзбекстанда оқып жатыр. Бұл жұмыстар алдағы уақытта жалғасын табады.