Астанада күн сайын 2 мыңға дейін алаяқтық қоңырау тіркеледі

Астанада алаяқтар күніне екі мыңға тарта қоңырау шалып, тұрғындарды алдағысы келеді. Бұл туралы Мемлекеттік кірістер комитеті хабарлады. Алаяқтар өздерін кірістер органдарының қызметкерлері ретінде таныстырып, азаматтардың жеке деректерін алу үшін «мерзімі өткен декларациялар» туралы айтып, 250 және 270 формасы бойынша ақпарат сұрайды екен.

Бірақ шын мәнінде комитет қызметкерлері азаматтарға қоңырау шалмайды және кодтар, құпиясөздер немесе жеке деректерді талап етпейді. Барлық хабарлама мен салық тек ресми мемлекеттік сервистер арқылы ғана қолжетімді. Сондықтан сақ болайық және жалған қоңырауларға сенбеңіз!